又到訪九龍城開業冇耐嘅餐廳，趁助手早前放新年假周圍試下新嘢嘛。多次經過門外已經覺得呢間「老爺廚房」格局及餐牌啲嘢食吸引。原來係曾志偉開嘅，難怪會特意選用陳豪品牌嘅咖啡，即刻 Make Sense 晒 😂
呢碗「馬來喇沙大蝦湯粉」夠晒香又濃郁惹味，隻蝦新鮮爽脆！雞肉超滑嫩重雞味富油香，配菜都勁足料，有驚喜！加 $20 仲有埋湯同黑松露蒜蓉包，難得有碗滑順唔重粉漿嘅忌廉湯，仲有好香白酒味，麵包烘到超香脆，有 Heart！
Lunch Set 大約 $68+ 堅抵食！Dinner Set 雖然用料高級啲，但二百幾蚊係有啲啲令人卻步…不過最重要好食，有心做同有質素嘅，間中黎嘆下都值得 👍🏼
美中不足係杯凍檸檬茶，茶底混濁帶苦澀欠茶味，希望可以改善啦。
Search